Алматы мемлекеттік табиғи қорығы мемлекеттік инспекторлар құрамының табиғат қорғау заңдылықтарының біліктілігін артыру мақсатында, белгіленген кесте бойынша қорықтың ғылым, экология, қорғау бөлімдерінің мамандарымен 2020 жылдың 17-21 ақпан аралығында 36 сағаттық оқу – ағарту жұмыстарын өткіздік.

 

Алматы мемлекеттік табиғи қорығының аумағына орнатылған бейне бақылау құрылғысына қар барысы екі баласымен тіркелді. Балалары шамамен 1,5 жаста. Қар барыстары құрылғыға 2019 жылдың соңында түскен. Маңызды мәліметтер қаңтар айының басында қорық испекторының бейне бақылыу құрылғысын бақылап – тексеру кезінде анықталды.

Ескерту. Құрылғының қуат көзін (батарейка) ауыстыру кезінде айы, күні және сағат уақытында қателік кеткен.

 

2019 жылдың 19 – 20 қараша аралығында қорық аумағында ғылым ақпарат және мониторинг бөлімінің мамандары мен мемлекеттік инспекторлар және ҚР БҒМ ҒК Зоология институтының өкілдерімен (келісім бойынша) бірге күзгі жабайы аңдарға санақ жүргізді. Аң санағы бойынша мәліметтер 2019 жылдың жылдық есебінде ұсынылатын болады.

2019 жылдың 5 желтоқсанда Алматы қаласында 2019 жылғы орман экожүйелерін сақтау жөніндегі БҰҰДБ жобасының жұмыс қорытындысын шығару және 2020 жылға арналған жобалау қызметін жоспарлау бойынша жұмыс семинары өткізілді. Семинарға Алматы мемлекеттік табиғи қорығының директоры Байтурбаев Қуат Нұрахымұлы және ғылым, ақпарат және мониторинг бөлімінің аға ғылыми қызметкері Сапарбаев Салторе Қыдырбайұлы қатысты.

ОБСЕ – нің Нұр – Султандағы бағдарламалар офисі және ПРООН – нің Қазақстанда өкілдігінің бірлесіп ұйымдастыруымен "Браконьерлікке қарсы мемлекеттік органдардың өзара іс-қимылын және қызметін үйлестіруді жақсарту» тақырыбы бойынша Алматы қаласында өтіп жатқан семинардың аясында Алматы мемлекеттік табиғи қорығы аумағында 2019 жылдың 13 қарашасында қорықтағы ғылым, ақпарат және мониторинг бөлімінің  ғылыми қызметкерлері  браконьерлер қызметінің жолын кесу және сирек кездесетін және жойылып бара жатқан түрлердің (Қар барысы, Тянь – шань қоңыр аю және т.б.) санын сақтау үшін бейне бақылау құралдарын (фотоловушка) орнату және мониторинг жүргізу бойынша дәрістер өткізді.

            Семинарға табиғат қорғау прокурорлары мен полиция қызметкерлері, ғылыми қызметкерлер мен халықаралық сарапшылар, мүдделі мемлекеттік органдар мен аңшылық шаруашылығы субъектілері және орман шаруашылығы және жануарлар дүниесі аумақтық инспекциялары қатысты.